Парламент депутаттары демалысқа шықты

Парламенттің қос палатасының депутаттары бірлескен отырыста 7-ші шақырылымның екінші сессиясын қорытындылап, аяқтады. Парламенттік үзіліс кезінде олар демалыстан бөлек, аймақтарда жұмыс істеуі керек.

Сессия барысында депутаттар 127 заң жобасын қабылдап, оның 78-і мақұлданса, 66-сына президент қол қойып, заңды күшіне енді.

Келесі, үшінші сессия 1 қыркүйекте ашылады.

«Парламенттің келесі отырысында заң жобалау жұмыстарының векторы, ең алдымен, президент жолдауында қойылған міндеттерді орындауға және конституциялық реформаларды жүзеге асыруға бағытталатын болады. Атап айтқанда, 20-дан астам жаңа заң жобаларын әзірлеп, қабылдау қажет. «Прокуратура туралы», «Омбудсмен туралы», «Сайлау туралы», «Саяси партиялар туралы» және басқа да бірқатар заңдарға өзгерістер мен толықтырулар енгізу туралы конституциялық заңдар қабылдансын» деді Мәжіліс төрағасы Ерлан Қошанов.

Оның айтуынша, Қазақстанда карантиндік шектеулер алынып тасталып, Конституцияға өзгерістер мен толықтырулар енгізу бойынша республикалық референдум өткендіктен, бұл сессия аса жауапты әрі қиын болды.