Париждегі жарылыстан 37 адам зардап шекті

Франция астанасы Париждің орталығында жойқын жарылыс пен өрт болып, 37 адам жарақат алды. Төртеуі ауыр халде, тағы екі адам үйінді астында қалуы мүмкін.

Оқиға Франция астанасының бесінші ауданында, Люксембург бақтары мен Пантеоннан алыс емес жерде, Сент-Жак көшесі, 277 мекенжайында орналасқан Париж Америка академиясы ғимаратында болды.

Болжам бойынша газдан болған жарылыстан кейін зардап шеккен ғимараттың қасбеті жолға опырылып түскені хабарланды. Жақын маңдағы тұрғындар эвакуацияланды.

Оқиға орнына 200-ден астам өрт сөндіруші, құтқару қызметі, сондай-ақ Париж мэрі Анн Идальго келді.

«Сен-Жак көшесінде жарылыс болды. Оқиға орнында Париж өрт сөндірушілері, полиция және төтенше жағдайлар қызметі жұмыс істеуде. Менің ойым ең алдымен құрбандар мен олардың жақындарымен байланысу» деп жазды Идальго.

Прокуратура жарылыс себебінің екі нұсқасын – «қауіпсіздік ережелерін бұзу» және «салақ тұлғалар» бойынша тергеп жатыр. Бұл туралы брифингте Париж прокуроры Лауре Бекуо мәлімдеді.