Париждегі Паралимпиада ойындары: Қазақстандықтар 7 қыркүйекте спорттың үш түрінен өнер көрсетеді

Парижде өтіп жатқан Паралимпиада ойындарының оныншы күні тоғыз қазақстандық спортшы үш спорт түрінен өнер көрсетеді, деп хабарлайды Orda.kz. 

Сенбі, 7 қыркүйекте қазақстандықтар дзюдо, каноэ және пауэрлифтингтен сынға түседі.

Парадзюдо – 12:30

Татамиге Ғалымжан Смағұлұлы (90 келіге дейін), Ерлан Өтепов (90 келіден жоғары), Бауыржан Арыстанбеков (90 келіге дейін), Зарина Райфова (70 келіден жоғары), Жұрқамырза Шұқырбеков (90 келіден жоғары) шығады.

Паралимпиадалық каноэ – 13:14

Бибарыс Сыпатай мен Жаңыл Балтабаева өнер көрсетеді. 200 метр, жартылай финал.

Паралимпиадалық пауэрлифтинг – 15.00 

Раушан Қойшыбаева (73 келіге дейін) пен Хамаев Рахметжан (88 келіге дейін) финалға шығады. 6 қыркүйекте Қазақстан дзюдодан екі медальмен толықты.

73 келіге дейінгі салмақта Ерғали Шәмей вице-чемпион атанды. Ол финалдық белдесуде румын балуаны Флорин-Александру Болохемен кездесіп, қарсыласынан ұтылды.

Қола жүлде үшін белдесуде 57 келіге дейінгі салмақта сынға түскен дзюдошы Даяна Федосова түрік спортшысы Денду Йесилиуртты жеңіп, Қазақстанға қола жүлде сыйлады.