Париждегі Лувр мұражайын тонаған үшінші күдікті қолға түсті

Францияда ұсталған екі күдікті әйгілі Лувр мұнажайын тонағанын ішінара мойындады. Бүгін, 30 қазан күні үшінші күдікті де ұсталды, деп хабарлайды Orda.kz. 

Бұл туралы Париж прокуроры Лора Бекко баспасөз мәслихатында мәлімдеді. Прокурор күдіктілер ұсталғанымен ұрланған әшекей бұйымдар әлі табылмағанын айтты. Енді ұсталған үш ер адамға байланысты ресми түрде тергеу басталады. Қылмыс істеген тағы 1 адамды іздеу жұмыстары жалғасып жатыр. 

Айта кетсек, төрт адам Луврды 19 қазанда тонаған еді. Қолды болған қазынаның жалпы құны 88 миллион еуроға бағаланған.