Парижде Паралимпиада ойындары басталды

Парижде басталған 2024 жылғы Паралимпиада ойындары 8 қыркүйекке дейін жалғасады. 

Бұл туралы туризм және спорт министрлігінің баспасөз қызметі хабарлады.

«Парижде 17-ші жазғы паралимпиада ойындарының салтанатты ашылуы өтті. Ашылу салтанаты Франциядағы Place de la Concorde алаңында өтіп, мемлекеттік туды Берік Ізмағанбетов мен Севда Алиева ұстады» делінген хабарлама.

Айта кетейік, Париж бұған дейін үш рет Олимпиада ойындарын өткізген, бірақ Паралимпиада ойындары Франция астанасында алғаш рет өтіп жатыр. 2024 жылы жарыстарға 4,4 мыңнан астам спортшы қатысады, олармен бірге 2,5 мың адам барады.

Ойындар бағдарламасына спорттың 22 түрі және 549 пән кіреді, жарыс ұзақтығы 11 күн.

Деректерге сүйенсек, Парижде өтетін Паралимпиада ойындарында Қазақстан атынан 44 спортшыдан тұратын рекордтық делегация қатысады.

Қазақстандық спортшылары спорттың тоғыз түрінен: парадзюдо, парапауэрлифтинг, паратаэквондо, паражеңіл атлетика, параату, параүстел теннисі, паражүзу, параканоэде есу және параволейболдан сынға түседі. Атап өтілгендей, отандық спортшылар алғаш рет параүстел теннисінен, сондай-ақ әйелдер арасында каноэде есуден жарыстарға қатысуға лицензия алды.