Париж полициясы зейнет реформасына қарсы шерулерде көзден жас ағызатын газ қолданды

Ел астанасының  Республика алаңынан басталған наразылық акциясына ондаған мың адам қатысуда, деп хабарлайды РИА Новости.

Демонстранттар арасында барлық жетекші кәсіподақ ұйымдарының, жастар мен студенттер ұйымдарының, радикалды ағымдардың өкілдері де бар. Олар полиция қызметкерлерін арандатып, оларға бөтелке лақтырып, петардаларды жара бастады. Полиция бұл әрекетке  көзден жас ағызатын газбен жауап берді.

10 наурыздан бері  бүкіл Францияда үкіметтің зейнетақы реформасы жобасына қарсы жетінші жалпыұлттық ереуіл өтіп жатыр. Ел бойынша 230 наразылық акциясы жоспарланған.

SNCF ұлттық теміржол компаниясы пойыздарының жүру кестесі қатты бұзылды, Париждің  Орли әуежайындағы рейстердің шамамен 20%-ы тоқтатылды.