Париж мэрі жұртшылықты судың тазалығына сендіру үшін Сенада жүзді

Париж мэрі Анна Идальго Олимпиада ойындары қарсаңында жұртшылықты судың тазалығына сендіру үшін Сенада жүзді.

Ол су костюмін киіп, өзенде бірнеше минут жүзді. Онымен бірге Олимпиаданы ұйымдастыру комитетінің президенті Тони Эстангу мен Иль-де-Франс аймағының префекті Марк Гийом суға түскен.

Сена өзенінің тазалығы Олимпиадаға дайындықтың негізгі элементі және ойын символына айналды. Ұйымдастырушылар суды бактериологиялық зерттеудің оң нәтижелерін жариялады. 26 маусым мен 4 шілдеде алынған E.Coli соңғы сынамалар мен энтерокок деңгейінің халықаралық стандарттарға сай екенін растады.

XXIII жазғы Олимпиада ойындары Парижде 26 шілде мен 11 тамыз аралығында өтеді.