«Паралимпиададан күміс жүлде»: Ерғали Шамей парадзюдодан жеңіске жетті

Қазақстандық парадзюдошы Ерғали Шамей 2024 жылғы Париждегі Паралимпиада ойындарында күміс медальға ие болды, деп хабарлады Orda.kz.

Спортшы көру қабілетінен толық айырылған атлеттер үшін J1 санатындағы 73 келіге дейінгі салмақта жекпе-жекке шықты. 

Финалда Шамей алдыңғы Паралимпиада ойындарының екі дүркін қола жүлдегері, румыниялық Алекс Бологамен кездесіп, қарсыласы екі вазари әдісін қолдану арқылы жекпе-жекті мерзімінен бұрын аяқтады. Паралимпиадада күміс медаль алу – Қазақстан спорты үшін үлкен жетістік және ерік-жігердің жарқын үлгісі болды.

Еске сала кетсек, Orda.kz бұған дейін Қазақстандық дзюдошы Даяна Федосова Паралимпиадада қола медальға ие болғанын жазған болатын.