Паралимпиадада алтын алған спортшыны елінде қалай марапаттады?

Ақмола облысының әкімі Ермек Маржықпаев Паралимпиада ойындарында елге жеңіспен оралған чемпионды марапаттады.

Бұл туралы Orda.kz хабарлады.

Жеңіспен оралған парапауэрлифтер Давид Дегтяревке 3 бөлмелі жаңа пәтер мен көліктің кілті табысталды.

Спортшының жаттықтырушысы Юрий Колесниковке де 5 млн теңге сыйақы берілді.

Еске салсақ, Давид Дегтярев Паралимпиада ойындарында 170 келі зілтемірді көтерсе, екінші мүмкіндігінде 172 келіні, үшінші мүмкіндігінде 174 келіні бағындырды. Ол Қазақстан қанжығасына алтын еншіледі.

Токио-2020 Паралимпиадасы 24 тамыз бен 5 қыркүйек аралығында өтеді. Қазақстан намысын спорттың 7 түрінен 26 спортшы қорғайды.