Парагвайда бөлшектеліп табылған кәсіпкерге қатысты жаңа ақпарат пайда болды

Парагвайда бөлшектелген кәсіпкер Михаил Леготкин қазіргі Шығыс Қазақстан облысының бұрынғы Бұқтырма ауданының тумасы болып шықты.

«Кісі өлтірілген кәсіпкер КСРО-дан Кеңес Одағы кезінде кеткен. Ол Шығыс Қазақстандағы Бұқтырмада туған, бірақ 1980 жылдардан бері Парагвайда тұрады. Ол жерде оның жеке кәсібі болған және менің білуімше, оны екі қызметкері 2000 доллар мен джип үшін өлтірген. Олар әуежайда ұсталды» деді ҚазТАГ агенттігінің дереккөзі.

Сыртқы істер министрлігінің баспасөз қызметі Леготкиннің Қазақ КСР аумағында туғанын, кеңестік кезеңде елден кеткенін растады, бірақ оның ешқашан Қазақстан азаматы болмағанын баса айтты. Сондай-ақ, ҚР Сыртқы істер министрлігі бірқатар БАҚ-та өлтірілген азамат «қазақстандық кәсіпкер» деген ақпаратты жоққа шығарып, ақпаратты қайта тексеруге шақырды.

Айта кетсек, парагвайлық БАҚ Леготкинді қазақстандық деп тегінің орнына әкесінің аты – Васильевичті жиі қолданатынына сүйеніп жазған.

Парагвайлық ABC ақпараттық порталының хабарлауынша, 3 ақпанда Леготкин мотельінде болған кезде күдіктілер оны құбырлардың ағып кетуіне байланысты бөлмелердің біріне шақырған. Сол жерде олар кәсіпкерді ұрып-соғып, оның жақ сүйегін сындырып, тірідей Сан-Антониоға апарған. Ол сол жерде қаңсырап өлген. Кейін күдіктілер мәйітті бөлшектеп, бірнеше сөмкеге салып, Ипандағы бос жерге көмген.

Кәсіпкердің сүйегі өткен жұмада ғана табылды. Жүргізілген сараптама олардың Леготкинге тиесілі екенін растады.