ДДСҰ басшысы пандемияның өте қауіпті кезеңі келгенін жариялады

Дүниежүзілік денсаулық сақтау ұйымының бас директоры Тедрос Адан Гебрейесус коронавирустық пандемияның өте қауіпті кезеңі келді, деп мәлімдеді.

Бұл туралы Orda.kz хабарлайды.

Оның айтуынша, қазір вируспен күресетін вакциналары бар мемлекеттер шектеулерді жеңілдетіп жатыр.

– Сонымен қатар, емдеу әдістеріне «қолы жетпейтін» елдер өлім-жітімнің көбеюіне тап болады. Бұған вирустың жаңа штамдары қосылады, - деп жалғастырды ДДСҰ басшысы.

Гебрейесустың пікірінше, мұндай жағдайдан шығудың жалғыз жолы - бұл елдер арасында вакциналарды, дәрі-дәрмектерді және қорғаныс құралдарын әділ бөлу.

ДДҰ мәліметтері бойынша, пандемия басталғаннан бері әлемде коронавирустық инфекцияның шамамен 184 миллион жағдайы тіркелді, төрт миллионға жуық науқас қайтыс болды. Соңғы тәулікте ауру жұқтырғандар саны 326 мыңға, қайтыс болғандар 6347-ге артты.

Бұған дейін ДДСҰ-ның денсаулық сақтау саласындағы төтенше жағдайлар бағдарламасының директоры Майкл Райан коронавирустық инфекцияның әлемде таралуы бойынша жағдай тұрақталғанын айтқан.