Пандемия кезінде жедел жәрдем қалай жұмыс істеді?

Қазақстанда пандемия кезінде жедел жәрдем қызметінің сапасы бағаланды. Мемлекеттік қызмет көрсету сапасын бағалаудың қоғамдық мониторингі жүргізген сауалнама нәтижесі бойынша, респонденттердің 10 пайызы жедел жәрдем көлігін ұзақ күткенін айтты.

Бұл туралы Orda.kz хабарлады.

Еnergyprom.kz ұсынған зерттеуде, 82,5 пайыз азаматтар жедел жәрдемнің қызметіне қанағаттанған, орташа бал 5-тен 4,69.

Азаматтардың «103» нөміріне қоңырауы 97,7 % жағдайда қабылданды, 2,3%-ында азаматтарға басқа нөмірге жүгінуге ұсыныс берілді.

Жедел жәрдемді ұсыну ережесіне сәйкес, бригада диспетчерге қоңырау түскен сәттен бастап жеделдігіне қарай 10-60 минут ішінде қоңырау шалу орнына келуі керек. Респонденттердің 85,4 пайызы жедел жәрдем көліктерін күту уақыты белгіленген стандарттарға сәйкес келетінін көрсетті. 10,4 % жағдайда күту бір сағаттан асады; қатысушылардың тағы 4,2 пайызы жедел жәрдемді күтудің нақты уақытын есіне түсіре алмады. Кейбір жағдайларда жедел жәрдем 4 сағат, тіпті 5 күн күтуге мәжбүр болған.

Респонденттердің 94,8 пайызы дәрігерлер науқастарға қажетті көмек көрсеткенін айтты. 47,4 % жағдайда көмек үйде көрсетілсе, 35,2 %-да фельдшерлер науқастарды ауруханаға жатқызды. Қызмет алушылардың 1,9 пайызы жедел жәрдем бригадасы қажетті көмек көрсетпей кеткенін атап өтті.

Жалпы, жедел жәрдем қызметкерлерінің «сыпайылық және қажеттіліктерге назар аудару» санатындағы жұмысы азаматтарды 88,3 пайызға қанағаттандырды.

Жедел жәрдем көлігіне ең төменгі баға - Шығыс Қазақстан, Маңғыстау және Батыс Қазақстан облыстарында берілді.