Пандемия кезінде байлар гауһар сатып ала бастады

Әлемдік гауһар сатылымы бірнеше жылдардағы тоқырау жағдайынан кейін тез қалпына келе бастады. Қазір бұл сектор қайта қарқынды дамуда. Бұл туралы Bloomberg хабарлады.

Кәсіпкерлер соңғы жылдардағы ең ірі келісімшарттарға дайындалып жатыр. Мысалы, De Beers тау-кен компаниясы 600 миллион долларға гауһар тастардың шикізатын жеткізу бойынша келісімшарт әзірлеп жатыр. Мәміле әлі аяқталмады, бірақ ол күшіне енсе, соңғы үш жылдағы гаухар сатылымының ең ірісіне айналмақ.  

Бұл өсім пандемия кезінде асыл тастардың бәсекелестерінен құтылуына байланысты. Яғни, адамдар аз саяхаттап, қымбат мейрамханаларға баруын азайтқан. Осыған орай, онлайн сауда дамыған.  

Аталмыш өсім тұрақты болатындығы белгісіз. Қарқынды даму кенеттен құлдырау қаупін тудыруы мүмкін деген болжам бар.