Пандемия азық-түлік қауіпсіздігіне әсер еткен жоқ

Барлық дерлік топтар үшін ЕАЭО өзін толық көлемде қамтамасыз етеді, деп атап өтті Артак Камалян.

Еуразиялық экономикалық комиссия алқасының мүшесі, Индустрия және агроөнеркәсіп кешені министрі Артак Камалян коронавирус пандемиясы ЕАЭО елдерінің азық-түлік қауіпсіздігіне әсер етпеді деп мәлімдеді. Бұл туралы Қазақстан премьер-министрінің сайты хабарлады.

«Біз өзімізді қамтамасыз ете аламыз. Азық-түлік қауіпсіздігі, тамақ сапасы мен қауіпсіздігіне - пандемияның әсері аз болды. Былтыр және биыл да біз ЕАЭО-ның барлық тауар топтары үшін өзімізді толықтай қамтамасыз етеміз. Импортқа тәуелді тек жемістер мен жидектер», - деді ол баспасөз мәслихатында.

Артак Камалянның айтуынша, даму стратегиясында азық-түлік қауіпсіздігін қалыптастырудағы жалпы принциптер мен тәсілдер бағыты бар.

Экономика және қаржылық саясат жөніндегі Еуразиялық экономикалық комиссияның министрі Тимур Жақсылықов ЕАЭО бірыңғай валюта енгізуді жоспарламайтындығын баса айтты.

Оның айтуынша, ЕАЭО саудасындағы өзара сауданың үлесі әлі де төмен.

«Біздің сыртқы сауда айналымының жалпы көлеміндегі өзара сауданың үлесі 15%-дан аспайды. Егер біз Еуропалық Одақтың мысалына жүгінетін болсақ, онда тауарлар, қызметтер, инвестициялар ағындарының өзара саудасының жалпы сыртқы сауда айналымындағы үлесі 60-70%-ға жетеді», - деді Тимур Жақсылықов.