«Palestine Cola» атты жаңа сусын пайда болды

Швецияда екі ағайынды бірігіп Coca-Cola сусынына балама етіп «Palestine Cola» атты жаңа сусын шығарды, деп хабарлайды Orda.kz порталы.

Екі ағайындының айтуынша «Palestine Cola» сусынынан түскен қаражаттың бір бөлігі Газа секторына жіберіледі.

 Палестина зәйтүн ағашымен танымал әрі ежелден бері зәйтүн ағашы өсетін ең маңызды орталықтардың бірі. Сондықтан логотипке зәйтүн ағашының қойылуы тегін емес. Ал құты түбінде Палестина ұлтшылдығының дәстүрлі символы саналатын - Куфия өрнектелген.

Сусын әзірге Швецияның Мальмё, Стокгольм, Гётеборг қалаларында қолжетімді және ол әзірге тек қана бір дәммен ғана. Аталмыш сусын әлі 7 түрлі дәммен шығарылмақшы.