«Пәктігіңді тексерейік»: Атырауда 14 жастағы қызға анайы хат жазған жігіттің үстінен іс қозғалды

Атыраудағы донерхаус тамаққа тапсырыс берген қыздарға, соның ішінде кәмелетке толмағандарға да, әдепсіз мазмұндағы хабарламалар жіберген, деп хабарлайды Orda.kz тілшісі.

Бұл жағдай қала тұрғынының блогер Рүстем Баязиевке шағымынан кейін белгілі болды.

Қыздың айтуынша, шаурма мен донерге тапсырыс бергеннен кейін, сол жердің иесі оған түнде хабарлама жаза бастаған. Көп ұзамай, бұл ер адамның басқа клиент қыздарға да солай жазып, олардың пәктігін тексеруді ұсынғаны және интимдік тақырыптарды қозғағаны анықталды. Зардап шеккендер арасында 14 жастағы қыз да бар.

Қазіргі уақытта полиция күдіктінің әрекетін жан-жақты тексеріп жатыр.

«Әдепсіз мазмұндағы хабарламалар жіберу фактісі бойынша қылмыстық іс қозғалды. Күдікті ретінде 25 жастағы азамат анықталды. Тергеу мүддесіне байланысты басқа ақпарат жарияланбайды», деп хабарлады Атырау облыстық полиция департаменті.