«Пәктігіңді беруге дайынсың ба?»: Атақты қазақ әншісі жаладан ақталды

The Kitchen Songs лақап атымен танымал әнші Азамат Сыздықов сотта өзіне тағылған айыптан толық ақталып шықты, деп хабарлайды Orda.kz.

2024 жылдың қарашасында оған кәмелетке толмаған қыздарға интимдік мазмұндағы хаттар жазды деген айып тағылған болатын. Айыптаушы тараптың айтуынша, желіде «Пәксің бе?», «Қыздығыңды беруге дайынсың ба?», «Пәктігіңнен қалай айырылдың?» деген хабарламалардың скриншоттары тараған.

Алайда әнші бұл айыптауларды жоққа шығарып, мұның барлығы жала екенін мәлімдеді. Кейін ол Мейірім Кәрібаеваға қарсы жала жапты деген негізде арыз түсірді.

Сот істі қарау барысында ұсынылған дәлелдер мен сараптама қорытындысын негізге алып, ақпараттың шындыққа жанаспайтынын анықтады. Нәтижесінде Мейірім Кәрібаева 100 мың теңге көлемінде айыппұл төлеуге міндеттелді.