Пәкістанның Карачи қаласында терракт болды

Пәкістанның Карачи қаласындағы теракт салдарынан екі Қытай азаматы қаза тауып, тағы біреуі жарақат алды, деп хабарлайды Orda.kz.

Синьхуа ақпараттық агенттігінің мәліметіне сүйенсек, шабуыл Джинна атындағы халықаралық әуежай маңында Port Qasim Electric Power Company компаниясының қызметкерлері отырған көлік керуеніне жасалды. Қытай азаматтарынан бөлек, бірнеше пәкістандық қызметкер де жарақат алды.

Пәкістандағы Қытай елшілігі бұл оқиғаға қатаң наразылық білдіріп, тергеуді шұғыл түрде бастауды талап етті.