Пәкістанның бұрынғы премьер-министрі Имран Хан тағы да сотталды

Пәкістанның бұрынғы премьер-министрі 71 жастағы Имран Хан мемлекеттік құпияны жария етті деген айыппен 10 жылға сотталды.

Бұл туралы Reuters хабарлайды.

Басылым саясаткердің үкімді 8 ақпанда өтетін жалпы сайлауға бірнеше күн қалғанда алғанын атап өтті. Бұрынғы сыртқы істер министрі Шах Мехмуд Куреши де осындай мерзімге сотталды.
Тергеу мәліметтері бойынша, Хан Пәкістанның Вашингтондағы елшісі Исламабад үкіметіне жіберген құпия хаттың мазмұнын жариялағаны үшін кінәлі деп танылды.
Сот отырысы бұрынғы премьер-министр сыбайлас жемқорлыққа қатысы бар деген айыппен жазасын өтеп жатқан Равалпинди қаласындағы түрмеде өтті. Ханның адвокаты бұл шешіммен келіспейтіндерін және оған қарсы шығатындарын айтты.