Пайдаланылмайтын және заңсыз  жерлерді қайтару

Қазақстанда пайдаланылмай жатқан және заңсыз берілген жерлерді өкіметке қайтару жөніндегі комиссия құрылды.

«1. Пайдаланылмай жатқан және Қазақстан Республикасының заңнамасын бұза отырып берілген жерлерді алып қою жөніндегі жұмыс комиссиясы осы бұйрыққа қосымшаға сәйкес құрамынан құрылсын.

2. Жұмыс комиссиясы пайдаланылмайтын және Қазақстан Республикасының заңнамасын бұза отырып берілген жерлерді анықтау және алып қою жөнінде ұсыныстар әзірлесін.

3. Жұмыс комиссиясы Қазақстан Республикасы Президентінің Әкімшілігіне 2025 жылға дейін атқарылған жұмыс туралы тоқсан сайын хабардар етсін» делінген үкімет қаулысында.

Қосымшадағы  комиссия  құрамы:

- Қазақстан Республикасы Премьер-Министрінің бірінші орынбасары, басшы;

- Қазақстан Республикасының Ауыл шаруашылығы министрі, басшының орынбасары;

- Қазақстан Республикасы Ауыл шаруашылығы министрлігі Жер ресурстарын басқару комитетінің төрағасы, хатшысы;

- Қазақстан Республикасы Ұлттық экономика бірінші вице-министрі;

- Қазақстан Республикасы Ауыл шаруашылығы вице-министрі;

- Қазақстан Республикасы Қаржы вице-министрі;

- Қазақстан Республикасы Цифрлық даму, инновациялар және аэроғарыш өнеркәсібі вице-министрі;

- Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының орынбасары (келісім бойынша);

- Қоғамдық мүдделерді қорғау қызметі бастығының орынбасары - Қазақстан Республикасы Бас прокуратурасының Экономика саласындағы заңдылықты қадағалау департаментінің бастығы (келісім бойынша);

- Қазақстан Республикасы Ұлттық қауіпсіздік комитеті Экономикалық қауіпсіздік департаменті бастығының бірінші орынбасары (келісім бойынша);

- облыс әкімінің орынбасарлары.