Пайдаланылмай жатқан ауыл шаруашылығы жерлері мемлекет қорына қайтарылады

Биылғы жылдың өткен кезеңінде 61 мың гектардан астам жер қайтарылды, деп хабарлайды Ақтөбе облысының прокуратурасы.

Жалпы көлемі 736 531 га ауыл шаруашылығы мақсатындағы жерлерді пайдаланбаудың 533 фактісі анықталды. Оның 61 899 гектары қайтарылды, жалпы сомасы 283 млн болады. Оның 110 639 гектары игеріліп, кәсіпкерлікке тартылған.

Прокуратура мақсаты бойынша пайдаланылмаған жайылымдарды да анықтады. Атап айтсақ, Мәртөк өңірінде бірде-бір малы тіркелмеген, егіні шықпаған 4800 гектар жайылымдық қожалық табылды. Хромтауда 2016 жылы тағы екі кәсіпкер жер алған, алған жері осы уақытқа дейін пайдаланылмаған.

Осындай 58 шаруашылық анықталды. Аумағы 17000 гектардан астам жердің жалпы сомасы 37 млн болады. Олардың барлығы мемлекет қорына қайтарылды.