Пәтер құнымен тең қой: Қазақстанның мал өсірушілері рекордтық мәміле жасады

Түркістан облысында Каштан атты қошқар 18 млн теңгеге сатылды. Блогер Әнуар Рүстемовтың Youtube арнасында транзакция жасалған фермадан видео жарияланды.

Блогер мәміле 9 желтоқсанда шымкенттік фермер Рустам Тұрғыновтың шаруашылығында болғанын айтты. Сарыағаштық қой өсіруші Қуаныш Мықтыбаев одан бір қошқарды 18 млн теңгеге (40 мың доллар) сатып алды. Мәмілеге Түркістан облысының қой өсірушілері қатысты.

«Тарихқа көз жүгіртсек, мұндай қолма-қол ақшаға жасалған мәміле алғаш рет орын алып отыр. Көптеген қошқарларды миллионға, 60 мың долларға, 100 мың долларға қайтармайды. Негізі мұндай транзакция бірінші рет қолма-қол ақшамен жүзеге асып отыр» дейді блогер.

Репортаж кейіпкері – гиссар тұқымды қошқар – Каштан деген лақап атқа ие. Қошқардың биіктігі 1,05 метр.

Гиссар – етті-майлы, семіз құйрықты қой тұқымы, ол барлық мәдени қой тұқымдарының ішінде дүние жүзінде ең ірісі.