P. Diddy қатаң бақылау камерасынан ауыстырылды: Рэпер соттала ма?

Американдық рэпер және музыкалық магнат P. Diddy (Шон Комбз) өзін-өзі өлтірудің алдын алу мақсатында қатаң бақылауда ұстауға арналған камерадан тергеу изоляторына ауыстырылды, деп хабарлайды Orda.kz.

Қыркүйек айының соңынан бері қамауда отырған әртіс қазан айының басында өтетін сотқа дейін сол жерде болады.

PEOPLE басылымының деректеріне сүйенсек, құқыққорғау органдары 54 жастағы рэпер енді өз өміріне қауіп төндірмейтінін мәлімдеді. Оның психикалық жағдайы тұрақталды. Ал отбасына оны түрмеде көруге мүмкіндік берілді. Адвокаттың айтуынша, P. Diddy өз қорғауына назар аударып, алдағы сотқа дайындалып жатыр.

Комбздың қамауға алынуы әйелдерді сексуалды «қойылымдарға қатысуға» мәжбүрлеу айыптарымен байланысты болды. Рэпер өз кінәсін мойындамайды. Дегенмен оған кокаин мен кетамин сияқты есірткі заттарын қолданып, құрбандарын басқарды деген айып тағылды.

Бұған дейін Комбздың үйлерін тінту барысында қару-жарақ пен 1000-нан астам балалар майы табылғаны белгілі болды, бұл оған қатысты тергеудің бір бөлігі ғана.