Өзін «гей» деп жариялаған имамды белгісіз адамдар атып кетті

Оңтүстік Африкада өзін «гей» деп жариялаған алғашқы имам атып өлтірілді, деп хабарлайды Orda.kz. 

Шығыс Кейп провинциясының полициясы 58 жастағы Мухсин Хендрикстің өлімін тергеп жатыр. Кісі өлтіру себебі әлі белгісіз. 

Сенбі күні таңертең Хендрикс пен жүргізуші Хейли-Плейде алтын түсті VW TRoc көлігімен келе жатқан. Олардың алдынан күміс түсті, екі орындықты Hilux көлігі келіп, ішіндегі адамдар діни қызметкерді атып өлтірген. 

Осы іс бойынша полиция тергеу жүргізіп жатыр. Олар алдын ала мәліметтерді жариялай алмайтынын айтты. Ал халықаралық лесбияндар, гейлер, бисексуалдар, транс және интерсекс қауымдастығының атқарушы директоры Джулия Эрт билік органдарын «жек көрушіліктен жасалған қылмыс» бойынша тексеріс жүргізуге шақыры.

Хендрикс 1996 жылы өзін «гей» ретінде таныстырған алғашқы имам болды. Діни қызметкер Кейптаундағы гейлер мен басқа маргиналды мұсылмандар үшін баспана болған мешітті басқарған.