Өзбекстанда ту түстес көйлек киген модель жазаланды
Фото: Шахризода Мадаминованың инстаграмы
Филиппинде өткен «Мисс Жер шары» халықаралық байқауында Өзбекстан атынан алғаш рет өнер көрсеткен 21 жастағы модель Шахризода Мадаминова ұлттық рәміздер бейнеленген киімі үшін айыппұл арқалады, деп хабарлайды Orda.kz.
Gazeta.uz мәліметінше, байқау 2025 жылғы қазан айында Манила қаласында өткен. Шарт бойынша, әр елдің өкілі ресми ұлттық киіммен ән айтуы немесе би билеуі тиіс болған.
«Бейнемді ұзақ ойластырдым. Елтаңбамыздағы Хумо құсынан және туымыздан шабыттанған осы көйлекпен хорезм биін орындадым» деп жазды бойжеткен өзінің Instagram парақшасында.
Алайда шамамен үш ай өткен соң, 19 қаңтарда Ташкент қаласының Мирабад аудандық сотында іс қаралды. Бұған өзін таныстырмаған жас жігіттің шағымы себеп болған. Ол киімде ту мен елтаңбаны қолдану заңға қайшы деп мәлімдеген.
Сот модельді мемлекеттік рәміздер туралы заңнаманы бұзғаны үшін кінәлі деп таныды. Аталған заңда, атап айтқанда, «Өзбекстан Республикасының Мемлекеттік туын киім ретінде пайдалануға тыйым салынады» деп көрсетілген.
Шахризода Мадаминова кінәсін ішінара мойындады. Ол көйлекте тек тудың түстері ғана белгілі бір реттілікпен қолданылғанын, ал жарты ай мен 12 жұлдыздың болмағанын алға тартты.
Алайда сот бұл уәждерді ескерусіз қалды, кінә «толық дәлелденді» деп тауып, 824 мың сум көлемінде айыппұл салды.
Кейінірек модельдің айтуынша, талапкер байқаудан түсірілген суреттерді Instagram-нан өшіруді талап еткен. Ол бұған келіспеген. Бұған жауап ретінде судья аккаунтты бұғаттау үшін деректер «арнайы базаға» енгізілуі мүмкін екенін ескерткен.
Бұл жағдай әлеуметтік желілерде қызу талқылауға себеп болды. Көпшілік бойжеткенді жазалаудың орнына қолдау көрсету керек еді деп есептейді, себебі ол Өзбекстанды әлемдік байқауда алғаш рет таныстырған.
Айта кетейік, бұған дейін Атырауда араб жазулары бар Қазақстан туын ұстаған никаб киген қыздардың жауапқа тартылғаны туралы жазған едік.
Оқи отырыңыз:
Жаңалықтар
- Алматы көшесін «жасанды интеллектпен тазалай салған» қызметкер жұмыстан кетті
- Әл-Фарабидегі апат: Пактың «100 QR 02» жалған нөміріне қатысты іс тоқтатылды
- Алматыда жүргізуші бес адамды қағып, тағы бір көлікке соғылды
- Президент Берік Уәлиге «Абайға құрмет» акциясын лайықты деңгейде жүзеге асыруды тапсырды
- Дәрілерді бақылаусыз қолдану ұлттық қауіпсіздікке қатер: Антибиотик сату қатаңдайды
- Қызылорда облысындағы жұмбақ өлім: Құдықтан табылған 20 жастағы жігіттің өліміне оның 15 жастағы інісі күдікті болып шықты
- Талдықорғанда сарбаздың қазасына байланысты батальон командирінің орынбасары сотталды
- Мажарстанда жоғары лауазымды тұлғалардың жалақысы қысқарды
- Атышулы «Алтын Орда» базарындағы тексеру қорытындысы: Үстеме 85 пайыздан асып кеткен
- Атырау әкімінің орынбасары мен коммуналдық кәсіпорын басшысының орынбасары тергеуге ілікті
- «Нағыз апокалипсис»: Ақтөбе әр жаңбырдан кейін су астында қалады
- Сынған қабырғалары өкпесін тесіп өткен: 10 жасар бала кернеуі 6000 вольттық токқа түсті
- Үстіртте сирек кездесетін барыс фототұзаққа түсті
- Мұхтар Жәкішев шетелдік құдалықты сынағандарға жауап берді
- Алматыдағы Hilton қонақүйі жабылды: 170 қызметкер бір күнде жұмыссыз қалды
- Қашқадариядағы газ құю бекетіндегі жарылыс болып, алты адам тірідей жанып кетті
- Қытай ЖИ-ғалымдарын елден ешқайда шығармайтын болды
- Еліміздегі «Aманат» пен «Әділет» партиялары біріге ме?
- Алматыда гимназияның үздік оқушысы соңғы қоңырау алдында өзіне қол жұмсады
- Трамп Нетаньяхуға Иранмен соғыста жалғыз қалатынын ескертті
