Өзбекстанда парламент сайлауы өтті

Өзбекстанда парламенттік сайлау өттіп, 20 млн-ға жуық халық дауыс берген. Сайлау нәтижелері бойынша либерал-демократ партиясы 64 мандатпен алға шықты, деп хабарлайды Orda.kz.

Сайлаудың нәтижелері бойынша либерал-демократ партиясынан бөлек  ұлтшылдар — 29 мандатқа, социал-демократтар — 21 мандатқа, халықтық демократтар — 20 мандатқа, экологтар — 16 мандатқа ие болды.

Олий мәжілістің заң шығару палатасымен қатар облыс, қала және аудандық кеңес депутаттарының қатары да жаңарды. 5 бірдей партия қатысқан саяси науқанның ерекшеліктері көп, соның бірі сайлау тұңғыш рет аралас жүйе арқылы өткізіліп отыр. Сонымен қатар, халық тек кандидатқа емес, партияларға да дауыс берді. Сайлауда жаңартылған конституцияға сай пропорционалды-мажоритарлық жүйе енгізілді.