Өзбекстанда халық емшілеріне тыйым салатын заң қабылданды

Өзбекстанда арнайы медициналық білімі жоқ адамдар емші бола алмайды, деп хабарлайды Orda.kz. 

Өзбекстан президенті Шавкат Мирзиеев 5 қараша күні жаңа заңға қол қойды. Заң бойынша, енді халық емшілерінің қызмет етуіне тыйым салынды. Сонымен қатар ел арасында «халық емшісі» деген атақ жойылады. Арнайы медициналық білімі жоқ адамдар диагноз қойып, адам емдемейтін болды.

Емшілерді жарнамалағандар да құқықтық жауапкершілікке тартылады. Заңсыз халықтық медициналық қызметпен айналысатындар айыппұл арқалайды. Емшілер бір жыл ішінде ісін қайта қайталайтын болса 15 тәулікке қамалады.