Өзбекстанда 250 млн долларға жаңа қала салынып жатыр

Өзбекстанда «Бабыр» деп аталатын жаңа қаланың құрылысы басталды, деп хабарлайды Orda.kz. 

Жаңа қала елдің рухани, мәдени орталығына және жастар қаласына айналмақ. Қала құрылысына 250 миллион доллар бөлінді. 

Өзбекстанның Әндіжан облысында Бабуридтер әулетінің негізін қалаушы Захириддин Мұхаммед Бабырдың есімімен аталатын жаңа қала салына бастады. Президент Шавкат Мирзиеев Әндіжанға сапары кезінде қаланы осылай атау идеясын ұсынды.

Қала елдің шығысында, ауданы 4 мың гектар бос аумақта салынып жатыр. Жоспар бойынша, ол Өзбекстанның рухани символына айналады. Жаңа қалаға екі мыңнан астам тұрғын үй, сауда объектілері, саябақтар, сондай-ақ балабақшалар, мектептер, жоғары оқу орындары, мұражай, кітапхана салу жоспарланып жатыр.

Айта кетейік, 2024 жылы Астанада Науаи ескерткіші орнатылған еді.