Өзбекстан биыл Қазақстанға егістіктерді суару үшін 922 миллион текше метр су беруге уәде берді

Мемлекетаралық үйлестіру су комиссиясының отырысында Су министрлігінің басшысы Нұржан Нұржігітов Өзбекстаннан келген әріптесімен суару кезеңінде су беру мәселесін келісті.

Қол жеткізілген келісімдерге сәйкес, биыл Қазақстан мемлекетаралық «Достық» каналы арқылы өтетін 922 миллион текше метр су алады.

Бүгінде Түркістан облысындағы Шардара су қоймасында 4,8 миллиард текше метр су жиналды. Қазақстанның оңтүстігіндегі егіс алқаптарын суаруға пайдаланылатын Тоқтағұл су қоймасында сегіз миллиард текше метр су бар.

Кездесуге қатысушылар Халықаралық Аралды құтқару қорының жұмысын бөлек талқылады. Сондай-ақ Орталық Азия елдері арасындағы су-энергетикалық ынтымақтастық туралы келісім бойынша жұмыс жүргізілуде.

«Қазіргі таңдағы бірінші міндетіміз – тасқын суын жинау. Біз оны Каспий теңізіне, Балқаш, Қамысты-Самар көлдеріне, Ұлытау өңірінен Қызылорда облысы көлдеріне және т.б. жібереміз. Бірақ бұл ретте оңтүстік өңірлерді сумен қамтамасыз ету маңызды»,-  деді Нұржан Нұржігітов.

Сонымен қатар, министр су дипломатиясын сақтаудың маңыздылығын атап өтті.