«Өз ойыныммен дәлелдеймін»: Дінмұхамед Қашкен сыни пікірге жауап қатты

Қазақстан ұлттық құрамасы мен «Жетісу» футбол клубының ойыншысы Дінмұхамед Қашкен өзіне қатысты теріс пікірлерге жауап қатты, деп хабарлайды Orda.kz.

Ол өз сөзінде бапкер қабілетін дәлелдеу үшін мүмкіндік бергенін айтты.

«Әркімнің өзіндік пікірі бар. Бұл – норма. Мен жай ғана өз ойыныммен дәлелдеймін. Бапкер маған өзімді көрсету үшін мүмкіндік беріп отыр. Құдай қаласа, өзімді көрсетіп, дәлелдеймін», – деді Дінмұхамед Қашкен. 

Еске сала кетейік, Қазақстан Ұлттық құрамасы алдағы болатын Солтүстік Македония мен Лихтенштейнге қарсы ойында шығатын өзінің құрамын жариялаған еді. Тізімде қазақстандық блогер Мерей Әбілованың күйеуі Дінмұхамед Қашкен де ұлттық құрамаға шақыртылған болатын. Бұған футбол сүйер қауым теріс пікір білдірді.

10 қазан күні Қазақстан ұлттық құрамасы «Астана аренада» Лихтенштейн құрамасымен кездесіп 4:0 есебімен жеңіске жетті. Алайда Дінмұхамед Қашкен негізгі құрамда емес, тек қосалқы құрамда болды.