Өз кабинетінде отыруы керек: депутаттар алқабилер судьясыз шешім қабылдауға тиіс норманы енгізіп жатыр

Алқабилер сотында шешімді кеңесу бөлмесінде судьяның қатысуынсыз 11 алқаби қабылдайды. 

Мәжілістің баспасөз қызметінің хабарлауынша, қылмыстық іс алқабилердің қатысуымен қаралып, соңында алқабилер кеңесу бөлмесінде қалады. Депутаттар істі қарап отырған судья алқабилермен бір бөлмеде қалмауы керек деген норманы енгізіп отыр. 

Судья өзінің кабинетінде отыруы керек, алқабилер судьясыз шешім қабылдап, сол хаттаманы кәсіби судьяға табыс етіп, сол бойынша ол шешім шығаруы қажет.

Аталған норма азаматтардың құқығын қорғауға басымдық беру мақсатымен енгізіліп жатыр.