"Oyan, Qazaqstan" қозғалысының белсенділері Алматы көшелерінде шерулетіп бара жатыр

Тәуелсіздік күні қарсаңында Желтоқсан мен Жаңаөзен оқиғаларының құрбандарын еске алу үшін Алматыдағы Республика алаңына барып, полиция жасағының қоршауында қалған "Oyan, Qazaqstan" қозғалысының белсенділері Алматы көшелерінде шерулетіп бара жатыр.

Полиция оларды тіркелмеген Демократиялық партия белсенділеріне қоспай қойды.

Қазір қозғалыс белсенділері Абай көшесінің бойымен Республика алаңына қарай шерулетіп бара жатыр. Оларды әкімдік өкілдері мен күштік құрылым қызметкерлері бақылап барады.

Белсенділер Қазақстанның бұрынғы әнұранын шырқап, түрлі ұран жазылған плакат көтеріп бара жатыр.