Өткен апта несімен есте қалды? Orda-ның дәстүрлі шолуы

Қырық жастағы Олжас Бектенов басқаратын министрлер кабинетінің орташа деңгейі – 48 жас. Үкіметттің жасы жасарғанымен айналысатын мәселелер – ескі.

Нан қымбаттады, энергия тапшы, төтенше жағдайлар, апаттар. Бұған дейін сыбайлас жемқорлықпен күрескен жас  премьер-министр енді саясат бағытын бағамдамақ. Сыбайлас жемқорлықпен күрес ел экономикасын түзеп жібере ме, әлде «күзеп» жібере ме?

Қайрат Сатыбалды мемлекетке тағы да 44,6 млрд теңге қайтарды. Сатыбалдының жағасына жармасқан қол сілкілеуін  қояр емес.  Ал қалған «туыс-туманың» жағасына қол салар уақыт қашан келеді?!

Қайрат Боранбаев УЕФА отырысына шақырылды.  Баспасөз қызметі оның қатысатынын жариялап тастады, ал бірақ қылмыстық-атқару жүйесі комитеті  ондай құқық жоқ деп мәлімдеді.

Кеңес Рақышев бокс федерациясынан кетті, ал Тимур Құлыбаевқа шығар есік нұсқалса да ҰОК-тен кеткісі келмей отыр.

Карлсон Путиннен сұхбат алды – сұхбат сұрықсыз болып шықса да, неге сонша маңызды?

Біздің апта сайынғы шолуымыз әдеттегідей YouTube-ке жүктелген. Көріп көзайым болыңыздар, ұнаса – бармақ басарсыз!