Өте жиіркенішті көрініс болды: баспагер зиялыларға наразы

Баспагер Бақытжан Бұқарбай Дулат Исабековтың асында зиялы саналып жүрген тұлғалардың қылығына өз наразылығын білдірді, деп хабарлайды Orda.kz.

Оның айтуынша, келген зиялылардың кей қылықтары мен сөйлеген сөздері «Бұл қалай сонда?» деген еріксіз ойға қалдырады.

«Бүгін Дулат Исабековтің асында сөз алған Ханбибі Есенқарақызы марқұмның артында қалған балаларына көңіл айтудың орнына, өзінің мемлекеттік сыйлық ала алмай жүргенін алға тартты. Бұл сөзі тым әдепсіз көрінді» деп жазды Бақытжан Бұқарбай. 

ОлиХанбибі Есенқарақызының дәл сол жерде айтқан әңгімесінің ұят екенін де жазды. Сондай-ақ баспагер ол кісінің алған ордендері мен медалдары көп бола тұра, дәл қаралы жиын үстінде тағы бір марапат туралы сөз қозғағанына қынжылды.

«Бұған дейін де осындай көріністер болған. Бір аста сөз алған Смағұл Елубай марқұм туралы бір жақсы естелік айтып немесе артында қалған ұрпағына жылы тілек білдірсе жарасар еді. Оның орнына, біраз уақытын қазіргі президентті мадақтауға арнады. Бұрынғы басшыны да дәл осылай дәріптеуші еді. Бұл өте жиіркенішті көрініс болды» деп жазды баспагер.

Сөз соңында ол ондай жиындарда аға буындармен қатар жастардың да отыратынын, жай ғана отырмай олар үшін «испанша ұялып» отыратынын жеткізді.