Отбасылық құндылықтарды насихаттау

Алматы мемлекеттік энергетика жəне электронды технологиялар колледжі отбасы күнін атап өтті. Аталған оқу орнында бұл мереке дәстүрге айналған. Мереке туралы директордың тәрбие ісі жөніндегі орынбасары өз пікірін  білдірді.

Колледждің оқу ісі жөніндегі орынбасары Нәзира Тоғайбаева  мерекенің негізгі мақсаты  отбасылық құндылықтарды насихаттау екенін атап өтті . Ол кісінің айтуынша  осындай іс-шаралар барысында  студенттердің ата-аналары мен ұстаздары еркін пікір алмасып, бір-бірін жақыннан тани түседі.  

— Мереке бірнеше кезеңнен тұрады: спорттық жарыстар, концерт, көрме. Соңынан ерекше  белсенді ата-аналарды марапаттаймыз. Мерекенің ең қызықты сәттерінің бірі - спорттық жарыстар. Онда ата-аналардан құралған командалар өзара сайысад, - дейді директордың тәрбие ісі жөніндегі орынбасары Нәзира Тоғайбаева.

Колледжде 4 бөлім бар: электрэнергиялық, радиотехникалық, жылуэнергетикалық, менеджмент және ақпараттық технологиялар бөлімі. Жыл сайынғы өтетін осындай  шығармашылық жарыстарда балалар өз қолдарынан шыққан макеттерін ұсынады.

Назира Тоғайбаева осындай өтіп тұратын шығармашылық сайыстардың басты мақсаты қолөнерді дәріптеу екенін баса айтып,  қолөнерді заманауи бағытта қолдануды үйрену қажеттігін еске салды.

— Негізінен қолөнер бағыты бойынша көптеген қазақи дәстүрлер ұмытылып барады. Біздегі  халықаралық шығармашылық сайыстардың басты мақсаты - қолөнерді жаңғырту мен дәріптеу. Сайыстар арқылы өскелең ұрпаққа қолөнерді заманауи бағытта қолдануды насихаттаймыз. Студенттердің ата-аналары ертеде қолданылған құрал-саймандар мен технологияларды көріп еске алады, - деді Нәзира Тоғайбаева.

Аталған оқу орны ата-аналардың қолдауы арқылы ескі қолөнер дәстүрлерін жаңғыртуды қолға алған. Мереке соңы  дәстүрлі түрде әр бастамаға қолдау білдірген ата-аналарды мараппатаумен аяқталды. Колледж мұғалімдері ата-аналарға арнайы дайындаған  концерттік бағдарламаларын ұсынды.