Отбасы банк IPO-ға шығарыла ма?

«Бәйтерек» ұлттық холдингі «Отбасы банкінің» IPO-ға шығу мәселесін қарастыруда, деп хабарлайды Orda.kz.

Қазақстан Миноритарлық акционерлер қауымдастығының мәліметінше, «Отбасы банкі» АҚ-ның жалғыз акционері «Бәйтерек» ұлттық холдингі банкті IPO-ға шығару мәселесін қарастыруда.

Бұған дейінгі ақпаратқа сәйкес, «Отбасы банкі» жекешелендіру аясында акцияларының 40%-ына дейінін сатуды жоспарлаған.

«Инвесторларды тарту арқылы «Отбасы банкі» оны құру үшін мемлекетке 78 млрд теңге көлемінде кіріс қамтамасыз етіп, мемлекеттің ипотекалық нарықтағы қатысу үлесін азайтып, әрі қарай өсу мен инновациялар үшін стратегиялық инвесторлар мен серіктестерді тарта алады», – делінген хабарламада.

Банктің 2023 жылғы таза пайдасы қаржылық есептілік бойынша 147,5 млрд теңгені, активтері 4 трлн теңгені, міндеттемелері 3,4 трлн теңгені, капиталы 595 млрд теңгені құрады. IPO қазіргі жеңілдетілген қарыз мөлшерлемелеріне әсер етпейді. Банк мемлекеттік бағдарламаларға қатысуды және тұрғын үй жобаларын жүзеге асыруды жалғастырады.