«Отбасы банк» депозит сатылымдарын жабады

«Отбасы банкі» депозиттерді сату қызметінің жабылатынын хабарлады.

«2023 жылғы 21 тамыздан бастап «Отбасы Банкіндегі» интернет-банкинг арқылы «Депозитті онлайн тағайындау» (депозитті сату) қызметінің жабылғаны туралы мәлімдейміз» делінген хабарламада.

2023 жылдың 21 тамызына дейін депозитті сатып алу немесе сату процесін іске қосқан банк клиенттері аталған күннен кейін банктің осы қызметті көрсету шарттарына сәйкес стандартты режимде процестерді аяқтау мүмкіндігіне ие болады,  деп жариялады мекеме.

Бұл ретте банк депозиттерді туыстарына беру мүмкіндігін ғана қалдырды.

Еске салайық, «Отбасы банкіндегі» жүйе салымшы депозитін банкте неғұрлым ұзақ сақтаса, оның банктен алған ипотекалық мөлшерлемесі  соғұрлым аз болатындай жұмыс істейді. 

Бұрын клиенттің ұзақ уақыт бойы жинақтауға мүмкіндігі болмаса, ол басқа салымшылардан олардың ағымдағы депозитін төмен ипотекалық мөлшерлемемен сатып ала алатын.

Енді бұл қызмет тоқтатылды. Сіз депозитіңізді тек туысыңызға ғана бере аласыз.