«Отанымды сатпадым, билікті басып алуға қатыспадым» - ҰҚК төрағасының бұрынғы орынбасары Садықұлов тергеу изоляторынан хат жазды

Қамауда отырған  ҚР ҰҚК төрағасының бұрынғы орынбасары Әнуар Садықұлов Отанға опасыздық жасамағаны туралы өтініш хат  жазды.

Orda.kz. редакциясына 16 жылға сотталған Садықұловтың өзі жазған хат келіп түсті. Сот шешімі 24 сәуірде Астана қалалық сотының Facebook-тегі ресми парақшасында жарияланған:

Садықұловпен бірге Кәрім Мәсімовке және оның екі орынбасарына сот жазасы кесілді. Бірақ сот процесі «өте құпия»  өтіп, айыптау жайын, ақтау сөздерін ешкім естіген жоқ. Ал бүгін Садықұловтан арыз хат келді, ол әлі де жағдайды өзгертуге үміттенетін көрінеді.

2023 жылғы 15 мамырдағы мәлімдемесінде Садықұлов жұрт алдында: «Мен Отаныма опасыздық жасаған жоқпын, билікті басып алған жоқпын» деп сендіреді. Белгілі бір айғағы, аты-жөні және қолтаңбасы бар бұл парақты экс-төраға орынбасары өз қолымен жазып, адвокаттар арқылы жеткізген. Мұны оның әйелі Диана Хамзина да растады.

«Мен үкіммен түбегейлі келіспеймін, өйткені мен бұл қылмыстарды жасаған жоқпын. Бұқаралық ақпарат құралдарындағы жалған жарияланымдарды ескере отырып, осы мәлімдемеммен барлығына үндеу жолдаймын. Отанымды сатпадым, билікті басып алған жоқпын. Мен өмір бойы Отаныма – Қазақстан Республикасына адал қызмет еттмі», – деп жазады Садықұлов.

Ол «дөрекі  әділетсіздік пен беделін түсіру және заң бұзушылыққа» тап болғанына сенімді. Дегенмен, экс-төрағаның орынбасары егжей-тегжейлі айтып отырған жоқ. Тілшімен сөйлескен  отбасы өкілінің түсіндіруінше: іс құпия, сондықтан егжей-тегжейлер туралы баяндаудың салдары болуы мүмкін. Қазір сотталушының адвокаттары аппеляциялық шағым түсірді, сот процесі қайтадан қолға алынып,  жаңа кезеңі болады деп болжануда. Бұған ҰҚК төрағасы орынбасарының өзі қатты үміт артып отыр.

«Президент пен халық барлық шындықты ашады деп үміттенемін және сенімдімін», - деп жазған Садықұлов өзіне  сеніп, моральдық қолдау көрсеткендерге алғысын білдіреді.

Айта кетейік, Садықұлов та Мәсімов сияқты қаңтар оқиғасы ісіне қатысты тергелуде. Екеуі де мемлекетке опасыздық жасады (Қылмыстық кодекстің 175-бабының 1-бөлігі), Қазақстан Республикасындағы билікті күштеп басып алды (ҚК 179-бабының 3-бөлігі) және билікті және лауазымдық өкілеттіктерді асыра пайдаланды (ҚР ҚК 3-тармағы) ҚК-нің 362-бабының 4-бөлігі) деп айыпталуда.