Қостанайда жедел жәрдем көлігі футбол алаңына шығуға мәжбүр болды

Қостанайда Тобыл мен Шахтер футбол клубтарының арасындағы матч кезінде екі ойыншы жарақат алды. Жедел жәрдем көлігі алаңға шығуға мәжбүр болды.

Бұл туралы Orda.kz хабарлады.

Видео Instagram әлеуметтік желісінде жарияланды.

«Тобыл» футбол клубының баспасөз қызметі жедел жәрдемнің футбол алаңына тек медицина қызметкерлерінің нұсқауымен шыққанын, жағдай осындай шараларға мәжбүр еткенін айтты.

«Дәрігерлерге алғашқы медициналық көмек көрсету қажет болды, себебі екі ойыншы да ауыр жарақат алған. Тобыл ойыншысы қиын жағдайға тап болды, қанды тоқтату керек еді» деді «Тобыл» ФК баспасөз қызметі.

Еске салсақ, оқиға 24 қазанда Қостанайда өткен Қазақстан премьер-лигасының 25-турының матчында болды. «Тобылдың» қорғаушысы Сұлтан Әбілғазы «Шахтердің» қорғаушысы Әділ Ахановтың басын соғып, екі ойыншы да көгалға құлады. Судья бірден дәрігерлерді шақырды. Екеуі де жарақат алды. Әбілғазы ұзақ уақыт тұра алмай жатқандықтан, алаңға жедел жәрдем келді.