Қостанайда жатыры алынған келіншек дүниеге сәби әкелді

Қостанай облысында жатырынан айрылған келіншек дені сау сәбиді дүниеге әкелді.

Қостанай облыстық ауруханасының перзентхана бөлімінде ерекше оқиға орын алды. 7 жыл бұрын жатырын алып тастаған әйел дені сау сәбиді дүниеге әкелді. Белгілі болғандай, босанған әйелде органдардың дамуында ауытқу бар - жатырдың екі еселенуі.

«Неге екінші жатырды байқамадық? Ондай болып тұрады. Әйелге жедел түрде ота жасалды. Қан көп кетіп, жатырын алып тастады. Жүкті жатырдың қаншалықты үлкен екенін білесіз бе?! Ол кезде қайталанатын орган дамымаған, бармақтай ғана болатын. Ағза өзінің гормондары әсерінен дамыған» деп түсіндірді Қостанай облысының денсаулық сақтау басқармасы.

Жүктілік кезінде ешқандай қиындық болмаған.