Қостанайдағы үйлердің бірі отқа оранды: екі баланың мүрдесі табылды

Қостанайдағы үйлердің бірі отқа оранды. Оның ішінен кәмелеттік жасқа толмаған екі қыздың денесі табылды. Сонымен қатар, өрт салдарынан 1988 жылы туған ер адам мен 1985 жылы туған әйел көз жұмған.

Алау басылымының хабарлауынша, өрт 27 наурыз күні орын алған. Қайғылы оқиға туралы ақпаратты Қостанай облыстық ТЖД растады. 

Өрт Тобыл көшесінде орналасқан екіқабатты жеке үйде орын алған. Екінші қабат түгел отқа оранып, 100 шаршы метр аумақты қамтыды. 

Оқиға орнынан үйді жалға алған 1988 жылы туған ер адамның мәйіті табылды. 1985 жылы туған әйел жедел жәрдем көлігінде көз жұмды. 

Сондай-ақ, үйден 2011 және 2013 жылдары дүниеге келген екі қыздың денесі табылды. Олар туыстарының үйіне қонаққа келген.