Қостанайда украин ұлтының өкілі қазақ тілінен сабақ береді

Ұлты украин Дмитрий Ромащенконы Мұқағали Мақатаев пен Ахмет Байтұрсыновтың шығармаларын түпнұсқа түрінде, ұлы Абайдың шығармаларын сүйіп оқиды. Мемлекеттік тілді жетік меңгерген азамат бүгінде Қостанайдағы гимназиялардың бірінде өз білімін өзгелермен бөлісіп, сабақ беріп жүр.

Хабар24 сайтының хабарлауынша, Дмитрий Ромащенко Қостанай облысының Ресеймен шекаралас аймағында дүниеге келген. Дмитрий орыс мектебінде білім алса да, мемлекеттік тілде еркін сөйлей алады.

Ол бала кезінен қазақ тілі мен әдебиетін жақсы көреді – Мұқағали Мақатаев, Ахмет Байтұрсынов шығармаларын түпнұсқадан оқиды. Ал ұлы Абайдың шығармалары оның жүрегінде ерекше орын алады.

«Мен үшін қазақ тілі мектептегі ең қызықты пән болатын. Мен қазақ тілінің мұғалімі болатынымды білетінмін. Өте қиын болды. Бірақ еш күмәнім болмады. Мен бұл жолдан кетемін деп еш ойланбадым. Бірінші немесе екінші курста күмәнданбадым. Бұл менің сүйікті ісім. Онымен ары қарай да айналысамын» дейді Горький атындағы мектеп-гимназиясының қазақ тілі мен әдебиеті пәнінің мұғалімі Дмитрий Ромащенко.

Дмитрий қазақ тілінен сауатты. Ол Қостанайда үш жылдан бері жұмыс істейді.

«Ол өте ақылды, жақсы, әділ адам. Мейірімді, сабақ үстінде одан қалжың естисің. Ол өз тақырыбына өте байыпты және жауапкершілікпен қарайды. Үй тапсырмасын орындамағандарды ұнатпайды» дейді 8 сынып оқушысы Әлібек Жақсылықов

Дмитрийдің өзі қазақ тілін білуіне деген таңданысты түсінбейді. Себебі, ол мемлекеттік тілді білу әрбір қазақстандықтың міндеті екеніне сенімді.