Қостанайда полицей өзінің сыныптасын атып өлтірді

Қостанайда 2021 жылдың 7-8 наурызына қараған түні полицей WhatsApp чатында өзінің сыныптасымен жанжалдасып қалды. Артынша оны атып өлтірді.

Бұл туралы Orda.kz tobolinfo.kz сілтеме жасап хабарлады.

Қостанайда бұрынғы полиция қызметкері Руслан Қылышовтың ісі бойынша тыңдау жалғасуда. Ол өзінің қаруымен сыныптасы Ермек Омаровты атып өлтірген. Омаров досы Қылышовпен кездесуге Игорь Чайка мен Андрей Богданчинков атты екі досымен келеді. Бұған дейін олар WhatsApp чатында жанжалдасып қалған. Қылышов «егер Чайка болмағанда қайғылы оқиғаның алдын алуға болар еді» дейді. Ол қақтығыстың бастамашысы болған.

– Чатта маған және формадағы барлық қызметкерлерге күйе жағылды. Мен бірде-бір жаман сөз айтпадым, оның адамдық қадір-қасиетіне нұқсан келтірмедім. Сағат 03:00 -де ол келетінін айтты, мен өз сөзіме жауап беретінімді айттым, - деді Руслан Қылышов сотта.

Ер адамның айтуынша, ол бірнеше рет Омаров пен Чайкадан оған жақындамауды сұраған, бірақ олар оны тыңдамаған. Қылышов қорыққанынан атып жіберген. Атыстан кейін ол Омаровтың достарынан тез арада жедел жәрдем шақыруды сұраған. Чайка Қылышовтың сөзіне мән бермеген. Ал Богданчиков таксиге мініп, оқиға орнынан кетіп қалған.

Сотта Руслан Қылышов жәбірленушінің анасынан кешірім сұрады.

– Кешіріңіз, мен сіздің ұлыңызды өлтіргім келмеді. Біз жақсы дос болмасақ та, жақсы таныс едік: сіз оны жалғыз өзіңіз аяққа тұрғыздыңыз, дәл менің анам сияқты. Мен оның балаларын әкесіз қалдырғым келмеді, - деді айыпталушы.

Неге полицей бейбіт кездесуге қару апарды?

Прокурор айыпталушыдан неге қаруды өзімен бірге алып барғанын сұрады. Ол өзінің қорыққанын айтты. Қылышовтың айтуынша, ол қаруын алып шықпаған да оқиға басқаша өрбуі мүмкін еді. Жанжалдасып қалғанан кейін Қылышов полицияға хабарласпады, себебі ол бастықтардың сөгісі мен жұмыстан шығып қалудан қорыққан.

– Егер мен 102 -ге хабарлассам, мені жұмыстан шығаруы мүмкін еді. Ертеңіне басшылық маған телефон соғып, «Аурусың ба? Төтенше жағдай жасағаның не?» деп сөгетін еді. Мен қорықтым, сондықтан мен бұл мәселені бейбіт және тыныш шешкім келді, - деп жауап берді Қылышов.

Омаровтың анасы бұл оқиғадан кейін сотталушының туыстары оған бірнеше рет келіп, ақша ұсынғанын айтты. Бірақ ол кісі олардан бір тиында алмаған. Әйел баласы мен полицей арасындағы жанжал туралы білген, бірақ осылай аяқталады деп ойламаған.

– Ол оны: «Рус, Рус» деп атайтын. Мен оның олай жасайтынына сенбедім. Ермек әзілқой еді, онымен әзілдесетін, - дейді әйел.

Бұл іс бойынша тыңдау барлық куәгерлер жауап бергенше жалғасады.