Қостанайда мәжбүрлі вакциналауға қарсы митинг өтіп жатыр

Қостанайда Победа саябағында мәжбүрлі вакцинаға қарсы митинг өтіп жатыр. Ондаған адам наразылық білдіріп жатыр.

Бұл туралы Orda.kz Наша газета басылымына сілтеме жасап хабарлады.

Наразылық білдірушілер мәжбүрлі вакциналаудан бас тартуды, кәсіпкерлерді айыппұлмен жазалауға тыйым салуды, сондай-ақ вакциналанбаған адамдар үшін ПТР тестілеуді тегін етуді талап етті.

Азаматтар вакциналаудың жаңа ережелері заңсыз деп санайды.

– Үкіметтің қаулысы заңсыз, себебі ол менің конституциялық құқығымды бұзады. Мен ауылдан келдім. Акция туралы ести сала келдім. Мен сіздер арқылы өз құқығымның кепілі - Президентке жүгінемін. Біз үкіметпен жұмыс жасауымыз керек. Оны зейнеткерлікке жіберіңіз! АҚШ өз әскерлерін Ауғанстаннан шығарып жатыр, неге сіз адамдарды өзіңізге қарсы қойып отырсыз? Мен инъекция жасағаннан гөрі мылтықпен елді қорғағаным жақсы, - деп айқайлады наразылық митингісіне қатысушы Сұлтан Абдуғалиев.

Қостанай қаласының әкімі Қайрат Ахметов айыппұлдармен күресуге уәде беріп, шараларды коронавирустық инфекцияның 40%-ға өсуімен түсіндірді. Сонымен қатар, ол наразылық білдірушілерді әкімдікке келіссөздер жүргізуге шақырды.

5 шілдеде Қостанай қаласының тұрғыны Сергей Зинченко міндетті екпеге қарсы митингіге қатысуға шақырғаны үшін үш тәулікке қамауға алынды. Ер адам бейбіт жиналысты ұйымдастыру және өткізу тәртібі туралы заңнаманы бұзғаны үшін кінәлі деп танылды. Зинченко өз кінәсін мойындамай отыр.

• 1 шілдеде Қазақстанның бас санитарлық дәрігері қызмет көрсететін қызметкерлерге міндетті вакциналау туралы қаулы жариялады. Ол облыстар мен мегаполистердің әкімдеріне, ұлттық компанияларға және компания басшыларына COVID-19 вакцинасының бірінші компонентімен 15 шілдеге дейін, екіншісімен 15 тамызға дейін ұйымдастыруды тапсырды. Олар медициналық қарсы көрсетілімдері бар және соңғы үш айда COVID-19-мен ауырғандарды қоспағанда, жұмысшыларға вакцина егуді жоспарлап отыр. Вакциналанбаған қызметкерлер жұмысқа жіберілмеуі керек.
• 2 шілдеде Алматы қаласының бас санитарлық дәрігері Жандарбек Бекшин 15 шілдеден кейін мониторингтік топтар кәсіпкерлік нысандарын жұмысшыларға вакцина егуді тексеруді бастайтынын айтты.
• Вакцина алмаған қызметкерлерді жұмысқа жіберген кәсіпкерлерге айыппұл салынады. Жұмысшылардың өздері жазаланбайды.