Қостанайлық әйел баласын ұрған ер адамға пышақпен шабуыл жасады

Қостанай облысында Железнодорожное ауылының тұрғыны баласын ұрған ер адамға пышақпен шабуыл жасады.

Облыстық полиция департаментінің хабарлауынша, Железнодорожное ауылының 30 жастағы тұрғыны пышақ жарақатын алған.

«Қарасу ауданының полиция бөлімі ҚР ҚК 106-бабы 1-бөлігі бойынша тіркелген сотқа дейінгі тергеу жүргізуде» деді Қостанай облысы ПД баспасөз қызметінде.

Сондай-ақ, ведомство бұған дейін жәбірленуші әйелдің баласын ұрғанын айтты.

«Алдын ала тергеу барысында 46 жастағы жергілікті тұрғынның мас күйінде, дұшпандық қарым-қатынас негізінде жәбірленушіге пышақ жарақатын тигізгені анықталды. Ер адам Әулиекөл аудандық ауруханасына жатқызылды. Қазіргі уақытта аталған факті бойынша сараптама тағайындалды» делінген Қостанай облысы ПД баспасөз қызметінің хабарламасында.