Қостанайда бірнеше несие рәсімдеп жоғалып кеткен әйел іздестірілуде

26 сәуірде таңертең әйел жұмысқа кетіп, оралмады. Оның отбасы еріктілер мен полицияға жүгінді.

Ақпарат көзі «ТоболИнфо», деп хабарлайды Orda.kz.

27 сәуірде «Әуежай» шағын ауданының 37 жастағы тұрғыны Камила Кішкентаеваға іздестіру жарияланды.

Бір күн бұрын әйел өзінің туыстарына – 4 және 2 млн теңгеге қомақты несие рәсімдеп, жоғалып кеткен.

Күйеуі бұл туралы естігенде, әйеліне депозиттен ақша алып, қарыздарын жабуды ұсынды. Камила Кішкентаева келісті, бірақ белгіленген күні жоғалып кетті. Камиланың қалдырған хаты:

— Мен операцияға жатамын, ағзаларымды сатамын, өйткені маған ақша керек. Үш күннен кейін қоңырау шаламын. Ұлыңа қара, мен сені жақсы көремін.

Күйеуі қаланың барлық ауруханаларын аралап шықты, бірақ әйел еш жерден табылмады. Кейін аталған несиелерден басқа, ол Қостанай мен Нұр-Сұлтан қалаларындағы таныстарынан да бір миллиондай ақша алғаны белгілі болды. Оған бұл ақша не үшін керек болғаны белгісіз.

Істің мән-жайын және жоғалған адамның орналасқан жерін полиция анықтап жатыр.