Қостанай облысында адам өлтірген экс-полицей сотталды

Қостанай облысында бұрынғы полиция қызметкері Руслан Қылышев адам өлтіргені үшін тоғыз жылға сотталды.

«Бүгін Қостанай облысының қылмыстық істер жөніндегі мамандандырылған ауданаралық сотында Руслан Қылышевқа қатысты үкім шықты. (…) Қылышев тоғыз жылға қатаң режимдегі колонияда жазасын өтейді» делінген Алау басылымының хабарламасында.

Қылышев пен тіс дәрігері Ермек Омаровтың арасындағы жанжал 2021 жылы 8 наурызға қараған түні болған. Жанжал өршіп, Қылышев Омаровқа мылтықтан оқ атқан. Салдарынан Омаров көз жұмған.