Қостанай облысында 20 бала тас жолда қалып қойды

Өткен тәулікте ауа райының қолайсыздығына байланысты құтқарушылар қар құрсауынан 175 адамды құтқаруға мәжбүр болды.

Қостанай облысында қолайсыз ауа райы әлі де сақталуда. Арқалық-Державинск тас жолында 99 адам, оның ішінде 20 бала мінген автобус қарлы боран мен көрінудің нашарлығынан тұрып қалды. Адамдар жақын маңдағы елді мекендерге көшірілді.

«Фурманово ауылында 50 адам жылу пунктіне – жергілікті мектепке және туыстарының  үйлеріне, қалған 49-ы Арқалық қаласына орналастырылды. Бір тәулік ішінде құтқарушылар 175 адамды құтқарып, 2 науқасты эвакуациялады» деп хабарлады Қостанай облысы Төтенше жағдайлар департаментінің баспасөз қызметі.

Басқарма Қостанай-Жолдама тас жолында Дәмді ауылының маңында қар құрсауынан 14 адам, оның ішінде 3 бала құтқарылып, Үштоғай ауылына жеткізілгенін атап өтті. Тағы 57 адам Арқалық-Амантоғай тас жолының Мирное ауылына жақын бөлігінде қар құрсауында болған. 21:25-те құтқарылғандардың 57-сі Арқалық қаласына жеткізілді. Ауа-райының қолайсыздығына байланысты ферма жұмысшысы ауруханаға жеткізілді, оған шұғыл медициналық көмек қажет болды. Сонымен қатар  иығына зақым келген тағы бір бала бар.

Қолайсыз ауа райына байланысты Қостанай облысының жолдарында 8 қозғалысты шектеу бекеті орнатылды. Жолда қолайсыз ауа-райына тап болған азаматтарды уақытша орналастыру үшін 255 орындық 9 жылу пункті дайындалды.