Қостанай: құны 2,5 млн теңге есірткі партиясы тәркіленді

Қостанай бойынша есірткі қылмысына қарсы күрес бөлімінің қызметкерлері есірткі сатушыны ұстау бойынша сәтті операция өткізді. Бұл туралы Костанайские новости басылымы хабарлады.

Операция барысында Әулиекөл ауданы, Новоселовка ауылының 47 жастағы тұрғыны ұсталды. Одан 5 кг-нан астам гашиш табылды.

«Тінту кезінде екі бес литрлік пластикалық бөтелкелер салынған картон қорап алынды. Бөтелкелердің ішінде арнайы иісі бар жасыл түсті өсімдік тектес ұсақталған кептірілген зат болған. Сараптамаға сәйкес, тәркіленген зат есірткі – гашиш», - деді полиция қызметкері Лев Квасенко.

Қазіргі уақытта ҚР Қылмыстық кодексінің 297-бабы, 3-бөлігі «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша сотқа дейінгі жедел тергеу іс-шаралар жүргізілуде.

Тәркіленген есірткінің құны шамамен 2,5 млн.

Еске салсақ, өткен жылы 473 кг-нан астам есірткі тәркіленген.