Қостанай қаласының бұрынғы әкімі Базыл Жақыпов қайтыс болды

Қостанай қаласының бұрынғы әкімі Базыл Жақыпов қайтыс болды.

Бұл туралы Orda.kz хабарлады.

– 5 қазан күні 56 жасында Қостанай облысының құрметті азаматы, мемлекеттік қызметші Жақыпов Базыл Шамуханұлы қайтыс болды, - деп хабарлады Қостанай облысы әкімінің баспасөз хатшысы Кенже Қонысбай Facebook парақшасында.

Белгілі болғандай, Базыл Жақыпов ұзақ уақыт сырқаттанып жүрген.

Ол өмірінің соңғы жылдарында «ӘКК Тобол» АҚ жұмыс істеді.

Базыл Жақыпов 1965 жылы 5 қаңтарда Жақсы ауданы (қазіргі Ақмола облысы) Терісаққан ауылында дүниеге келген. Еңбек жолын 1982 жылы Торғай облысы Қима ауданындағы «Восход» кеңшарында шопанның көмекшісі болып бастады. Содан кейін 1983-1985 жылдары әскерде болды, 1985-1991 жылдары Целиноград ауылшаруашылық институтында агрономдықты оқыды.

1991 жылдан бастап ол агроном-есепші, кейіннен егістік бригадасының бригадирі және Торғай облысы Қима ауданы Восход кеңшарының бас агрономы болып жұмыс істей бастады. 1996 жылы Жақыпов Торғай облысы Қима ауданындағы Терісаққан кеңшарының директоры болып тағайындалды. 1998 жылдан - Ақмола облысы, Жақсы ауданы, Қима ауылындағы «Золотая Нива» серіктестігінің атқарушы директоры болды. 2000 жылдан - «Куантум» серіктестігінің директоры (Түрген ауылы, Жітіқара ауданы, Қостанай облысы) қызметін атқарды.